لو مش عايزينه جبتوه ليه؟.. عمرو أديب عن أزمة محمد رمضان «ميصحش»

كشف الإعلامي عمرو أديب، لأول مرة في برنامج “الحكاية” الذي يقدمه على قناة MBC مصر.. عن كواليس أزمة الفنان محمد رمضان التي تعرضه لها أثناء تقديم أغنية “جو البنات” بحفل افتتاح مهرجان الجونة في يومه الخامس. كما أشار إلى أنه يحمل نفس الحيرة التي ظهرت على وجه الجمهور مما حدث.

عمرو أديب VS محمد رمضان

وعلق عمرو أديب: امبارح حصلت حاجة غريبة جدا وطبعا انا عارف لما هحكي الناس هتقول عشان انت متخانق معاه.. بس يعني ميهمنيش قولوا اللي انتو عايزينه. إدارة مهرجان الجونة كل سنة بتعمل أغنية للمهرجان، أول سنة كانت 3 دقات دي كسـرت الدنيا.. السنة اللي فاتت كان رامي عياش وتامر حسني أشياء مذهلة.

واستكمل: السنة دي بدون سبب واضح قرروا ان الأغنية بتاعة الحفلة يعملها الفنان «محمد رمضان» وبصرف النظر عن مشاكلي معاه ماشي.. هما شايفينه راجل مسلي يعمل حفلة حلوة والناس تتفرج.

وأضاف أديب: المهم في أخر الحفلة جات المذيعة الفاضلة فجأة كده راحت قايلة “اخر حاجة عندنا في الحفلة الفنان محمد رمضان” وراحت ماشية.. وقبل ما يطلعوا رمضان طلعوا سميح ساويرس ويسرا على المسرح فيسرا قالت “احنا مش عارفين احنا طالعين ليه ؟!” يبدو او هكذا علمت انهم كانوا مطلعينهم عشان يقدموا محمد رمضان ومقدموهوش موقف غريب.

محمد رمضان مهرجان الجونة

كما أشار : أنا لغاية دلوقتي معنديش مشكلة مع رمضان عشان محدش يفهم غلط انا بحكي اللي حصل ودي كانت حاجة ع الهوا.. فجأة دخل رمضان غنى أغنية اسمها “جو البنات” حاجة ملهاش دعوة بالمهرجان خالص واستعراض شكله مكنش حلو.. خلصت الاغنية جه رمضان وقف ع المسرح أول ما هيبتدي يتكلم الميكروفون اتقـطع والنور اتطفى.. محدش قاله العواف او مع السلامة او حتى متشكرين.

وأوضح : هو رمضان لسه بيقول “انا عايز …” راحوا قاطعين عليه النور والصوت شيء غريب جدا حتى المذيعة لما قدمته قالت “معانا محمد رمضان” بس وده محمد رمضان اللي لما بيتقدم اوعااااااا نمبر وان وهييييييييه مفيش حاجة خالص من دي.. الراجل طلع وبعد ما خلص النور والصوت قطـعوا والقاعة كلها خلصت.

ثم تسائل عمرو أديب: طب يا جماعة لو مش عايزينه جبتوه ليه ؟! .. طب لو عايزينه عملتوا فيه كده ليه؟ ميصحش!

مهرجان الجونة:

يذكر أن مهرجان الجونة السينمائي انطلق أول أمس الموافق 14 من أكتوبر ويستمر حتى 22 من الشهر الجاري ويقام المهرجان في دورتة الخامسة تحت شعار  “سينما من أجل الإنسانية” ويعبر عن توجه المهرجان في هذه الدورة للاهتمام بشئون المرأة واللاجئين.. كما تعاون المهرجان مع عدة مؤسسات على رأسهم اليونيسيف.

ـــ

المصدر: المصري اليوم

error: لا يمكن نسخ النص