الشاعر عمرو حسن يطرح «قصيدة رجالي»

شارك الشاعر عمرو حسن جمهوره عبر صفحته الرسمية على فيس بوك.. صورة جديدة معلقا: “ماتناموش النهارده الا اما تسمعوا قصيدتي الجديدة.. بعد استقرار وضعي الحالي.. قصيدة رجالي”. يأتي ذلك في إطار طرح عمرو حسن قصائد جديدة عبر صفحاته الرسمية على السوشيال ميديا.

قصائد عمرو حسن

وكان الشاعر عمرو حسن قد طرح قصيدة جديدة بعنوان “بعد استقرار وضعي الحالي”.. والتي لاقت إعجاب جمهور الدرويش، وبلغت عدد مشاهدات القصيدة عبر صفحته عل موقع التواصل الاجتماعي فيس بوك اكثر من 100 ألف مشاهدة خلال ساعات قليلة فقط من طرحاها.

وإليكم في هذه المقالة كلمات قصيدة الشاعر عمرو حسن الجديدة “بعد استقرار وضعي الحالي”.

قصائد عمرو حسن مكتوبة

رجعالي! بعد استقرار وضعي الحالي جايه بتتأسف ياعنيا                    وتقول انها باقيه عليا وتقولي واحشني أوي يا غالي       

فكراني هعيط وهدبدب وأفرح وأطير!                                               فكراني الحلوة إن أنا مثلاً، داقق عصافير

وبانها حاجزة في قلبي مكانها وبانها لسه بتيجي في بالي                 رجعالي؟! بعد استقرار وضعي الحالي

يعد ما شوفت في بعدها أيام صعبة وسودة                                     بعد ماسبت صحابي وقضيت شهر في أوضه

روحت لنفساني وراح كاتب روشتة برشام                                       وسمعت أغاني حزينة تكفي لسنتين قدام

كانوا صحابي يروحوا الساحل واقعد في البيت                                  أسمع ويجز وعمرو وتامر وأسهر على أخر كوبليه لأنغام 

صدفة شافتني في انستجرام                                                      بعتتلي واحشني أوي يا غالي

كلمات قصائد عمرو حسن

رجعالي! بعد استقرار وضعي الحالي                                             ما شافتش حياتي الاي فراقها سجلها غياب 

كان اسمي المتساب في الشلة                                                  راح المتساب، جانا المتساب 

ماشافتش عنيا على الواتساب                                                     وانا مستني بلوكها يتشال

ماعاشتش الوحِدة  اللي عايشها في ماتش السنغال                        كنت بعيش الدنيا لوحدي كان كل أبواب الدنيا اقفال

ساعة مابقاش في الدنيا حبال لمة شنطتها وجيالي                         رجعالي!! بعد استقرار وضعي الحالي 

بعد ما قررت إني أبدأ تاني وأمشي طريقي                                     بعد ما حبة أحداث حلوة بلت ريقي   

شافت بختها بعدي وعرفت قيمتي كويس                                       جيالي بترمي شباك تاني وتطبطب وتبع وتليس

 الناس فكرانا ولاد امبارح برياله                                                     فاكرين يمشوا ويرجعوا تاني يلاقونا على نفس الحالة   

انا كنت بحبك مش علشان أجمل واحدة                                         زيك ملايين قاعدين يومياً في المترو   

أنا كنت بحبك مش علشان أخر واحدة                                            لو رحتي المول هتشوفي إن بنات العالم كتروا   

انا كنت بحبك علشانك بعيوبك عادي وبجنانك                                   كنت بشوف الدنيا بعينك وأبدا خطواتي وانا مكانك

كنت مصدق في الناس زي مهما                                                   بس فهمت انك عاملة شو وهالمة ووراهم شخصية مريضة

وعاميها عن الدنيا تعالي                                                              أول ما تخبط على المجروح هيقول أهلاً يلا تعالي

وغرورها معيشها في أوهام خلاها بريئة وجيالي                                رجعالي؟! بعد استقرار وضعي الحالي

جاية بتتأسف ياعنيا وتقول إنها باقية عليا                                        وتقولي واحشني أوي يا غالي رجعالي؟!

error: لا يمكن نسخ النص