أول تعليق من الشيف “صبحي كابر” على هاشتاج «مقاطعة صبحي كابر»

علق الشيف “صبحي كابر” صاحب مطاعم مشويات صبحي كابر ، على انتشار هاشتاج «مقاطعة صبحي كابر» على السوشيال ميديا.

وكان رواد المواقع التواصل الإجتماعي قد أطلقوا هاشتاج #مقاطعه_صبحى_كابر.. بعد إنتشار صور لشخص يضرب ويسحل كلب.. وتردد أن هذا الشخص من عمال صبحي كابر.

مطعم صبحي كابر ردا على هاشتاج مقاطعة صبحي كابر
ردا على هاشتاج مقاطعة صبحي كابر

وقد نشرت الصفحة الرسمية للمطعم رداً على ما تردد.. وجاء في البيان رداً على لسان الشيف صبحي كابر / سلام عليكم جميعآ فالحقيقة أنا قررت أرد بمنشور بناء على طلب عملائي إللي بيحبونى وبيثقوا فيا بيقولوا لي معمول ضدك حمله والناس زعلانه فأنا قررت أوضح للجميع إن الحوار دا من آكتر من سنه والدليل على كده إن الناس لابسه صيفي ومفيش كمامات وأنا نفسي وقتها اتفاجأت بإللي حصل عشان إللي عمل كده أصلا مش من الاستطاف عندى لإنهم كلهم لابسين يونيفورم المطعم وعرفت إن الشخص ده عمل كده لما كلب عض طفل وأكيد أنا مش هسمح لحد من إللي بيشتغلوا معايا ان يعمل كده في الأول والاخر دى روح وكمان عرفت ان أحد مديري الصاله تشابك مع الشخص ده بسبب إللي عمله وللأسف أنا مقدرش أحاسب حد فالشارع على حاجه هو عملها لمجرد إنه كان موجود قدام مطعمى وشكرا ليكم ولاهتماكم والسلام عليكم ورحمة الله وبركاته”

والجدير بالذكر ، أن مطعم “صبحي كابر” للمشويات ، يعد أحد أشهر المطاعم في مصر والوطن العربي.