كشفت الفنانة منة فضالي عن سبب غيابها عن مهرجان الجونة السينمائي.. في دورته الخامسة قائلة :
مبحبش أتواجد في حتة مليش مكان فيها.. يعني عشان أروح مهرجان لازم يكون عندي تكريم أو هقدم مهرجان أو هقدم حد من زمايلي.. مش حابة أكون موجودة عشان أروح أتصور مبشوفهاش حلوة
كما أجابت خلال لقائها ببرنامج مساء DMC عن بعض التساؤلات حول مهرجان الجونة السينمائي،، ومنها:
س/ بس المهرجانات مش للتصوير بس يعني بيبقى فيه أفلام مميزة وأفلام بتتعرض للمرة الأولى .. ليه مبتشاركيش وتتطلعي على الأفلام دي ؟
= معرفش بس زمان كنت بحضر كل المهرجانات والحفلات وبحب دايمًا أكون متواجدة بس تقريبًا مع الوقت الواحد بينضج وتفكيره بيتغير فمش حاب أروح مكان أنا مش حاسة نفسي فيه.
س/ هل ده معناه ممكن يكونوا بيروحوا المهرجان بس لمجرد السجادة الحمرا ؟
= مؤخرًا بلاقي ناس غريبة جدًا على الريد كاربت معرفش مين دول ومعرفش بيسمحوا بدخولهم ازاي فدي حاجة مش مفهومة، ده حدث خاص بالسينما والتلفزيون فتلاقي ناس مش معروفة ولا ليها دعوة بجو الفنانين متعرفيش دول مين .. كمان مؤخرًا لقيت راقصات في الجونة ده جديد بالنسبالنا.
أقرأ أيضاً: منة فضالي بعد الهجوم عليها.. «احترمونا شوية» ..
س/ ليه ما الراقصات دول نجمات في مجالهم ؟
= لأ .. انا بحترم الرقص وبحبه بس انا بتكلم على وَجهة وبقدم فن فكل اللي هيكونوا موجودين منتجين مخرجين ممثلين نجوم عالمية، فيه ناس مينفعش تتواجد والراقصات منهم، مفيش وصف راقصة بيتحط على تترات الافلام والمسلسلات فـ ليه يحضروا المهرجانات؟
وأضافت منة فضالي: زمان أيام دكتور عزت أبو عوف الله يرحمه كان مينفعش أي حد يدخل المهرجان ولازم دعوة خاصة وكان فيه ترتيب من جولد لـ سيلفر وبلاك فمش هتلاقي أي حد قاعد مع أي حد كده وخلاص.