أشارت الإعلامية رضوى الشربيني خلال استضافتها اليوم الخميس في برنامج “أنا والقناع” الذي تقدمه الإعلامية المصرية منى عبد الوهاب على شاشتي الحياة و CBC، إلى أنها ليست عدوة الرجال، ولكنها عدوة أشباه الرجال المنتشرين في المجتمع.
رضوى الشربيني
حيث صرحت رضوى الشربيني قائلة: “أنا جيت في الدنيا بسبب راجل وهو أبويا وسندي في الدنيا راجل هو أخويا، وطليقي راجل محترم. وبالتالي أنا مش عدوة الرجالة، أنا عدوة أشباه الرجال، ولست عدوة للراجل.
وأوضحت: “اللى بيضرب مراته مينفعش يتقال عليه راجل. واللي بيشغل مراته بالسُخرة، وهو قاعد في بيته مش راجل. واللي بيعشم دي ودي بالجواز وما يوفيش مش راجل”.
كما أكدت أنها صادفت الحب الحقيقي بعد انفصالها. مشيرة إلي إنها قصة وانتهت قائلة “قابلت الحب الحقيقي بعد الانفصال ومكنش تعويض عاطفي وإنما قصة حب حقيقية. ولكنها إنتهت وانا مبحبش أتكلم عن القصص اللي انتهت بسبب اننا اتفقنا اننا لا نتفق”.
مواصفات فتى أحلام رضوى الشربيني
أما عّن مواصفات الزوج الذي تتمناه أجابت الإعلامية رضوى الشربيني: “لازم يكون راجل قادر والقدرة هنا بمعنى انه يكون قادر على العفو عند المقدرة عشان مبيصش على اخطائي ولا صغائر الأمور اللي انا بعملها وهيكبر دماغه ومش هيتلككلي ومش هيبص على عيوبي”.
وأضافت: “لازم يكون قوي ويشاركني كل أموري ويكون سند وقوته دي تكون معايا مش عليا ولما يقرر انه مش عاوز رضوى الشربيني مبعملش اي حاجة غير انه هيجبني ويقولي في وشي انا اسف من قادر أكمل”.
وأكلمت وصفها قائلة “لازم يكون ناجح مقدرش اتجوز راجل مش ناجح ولا انا أكون أنجح منه. ويكون عنده طموح ويتقي ربنا في البني ادمين ومكونش انا اولهم لكن مامته وباباه. ولازم يكون بيحبني قوي وبيهتم بيا قوي ويعرف يتعامل معايا لأن أنا صعبة. ويكون حنين وطيب ودمه خفيف عشان مقدرش اتجوز راجل دمه تقيل ابداً. ويكون شيك وخفيف في نفسه”.
اقرأ أيضاً: رضوى الشربيني تتصدر تويتر عقب إصابة والدتها بكورونا
كما قالت الشربيني “الحياة بعد وفاة امي اختلفت كتير وبقيت بعيط قوي، والناس واخده عني صورة المرأة الحديدية اللي من غير مشاعر ولا شعور وده عكس شخصيتي”. مشيرةً إلى أنها لم تشعر بالوجع عندما امسكت ورقة طلاقها بيدها.
طلاق رضوى الشربيني
وعن تجربة الطلاق قالت: “اكتشفت نفسي ولقيت اني انسان مش قابل يعيش العيشة دي. ورصيدي في بنوك الوجع اكثر بكثير من قسيمة طلاق، ومقدرش اعد الاوجاع دي”.
رغم الانفصال.. رضوى الشربيني: مش ندمانة، ولو عاد بيا الزمن هتجوز نفس الجوازة!.. اعرفوا السبب 👇#أنا_والقناع | #شهر_الفرحة pic.twitter.com/ncP8TxLpUW
— CBC Egypt (@CBCEgypt) April 13, 2023
وأضافت: “قسيمة الطلاق مش وجع إنما اللي بتمري بيه في طريقك عشان يوصلك للطلاق هو اللي بيكون وجع، والقسيمة دي بتبقى النتيجة. وأنا متوجعتش لما مسكت قسيمة طلاقي في ايدي. ومش في كل الأوقات كلمة انتي طالق بتوجع، خصوصاً اذا كان عندك قناعة إن الكلمة دي هي دواكي مش وجعك”.