مابتتنسيش يامعلم.. كلمات قصيدة عمرو حسن الجديدة

في مفاجأة سارة لعشاق الشعر، أطلق الشاعر عمرو حسن اليوم السبت قصيدة مابتتنسيش يامعلم عبر حساباته الرسمية على السوشيال ميديا، والتي لاقت رواجًا كبيرًا بعد ساعات قليلة من نشرها، حيث عبر العديد من المتابعين عن إعجابهم بجمال الكلمات والمعاني العميقة التي تحملها القصيدة.

اقرأ أيضًا: عمرو حسن يطرح قصيدة “لما الست بتكره” لأول مره للجمهور

وعلق أحد المتابعين على القصيدة قائلًا: “و ربنا انت بقيت مستحوذ على حوالى 60% من وقتى و انا ف الشغل بسمع عمرو حسن و انا رايح و وانا جاى و و انا مع صحابي ف الليل و ف النهار”، وعلق أخر: “يارتني كنت سمعت الكلام فعلا ومفتحتش الفيديو.. مبتتنسيش ي معلم.. بعشها ي بن عمي”.

عمرو حسن مبتتنسيش يا معلم

مابتتنسيش يامعلم

جربت كل حاجه ** عملت بميه نصيحه

ومشيت لكن آخرها ** برده اخدت الطريحة

طلع إن الحب لعنه ** طلع ان الشوق فضيحه

غيرها وعرفت ياما ** عزله وبعدت ياما

ولقتني في حرب بشبه ** غصن في بوق الحمامه

اول ماتقول واحشني ** برمي سلاحي وبسلم

ما بتتنسيش يامعلم

كل ماببعد وبنسي ** الاقيها وطن ومرسي

ماسكه فيا بعنيها ** لازقه بنت الأبالسه

عارفه مفاتيحي كامله ** عامله في حنيني عامله

ست تعلم انوثه ** وده مش من باب المجامله

ادواتها تملي خطره ** قاريه الأفكار وشاطره

في البرد بتبقي ماشتا ** في الحر نسيم ومطره

حساني بدون معبر ** اقرب انسانه ليا

بهرب م الشوق لغيرها ** وغيرها بيبقي هيا

شدوها من حياتي ** قصو شريط ذكرياتي

انا لسه بشوفها واضحه ** صوره في كل مراياتي

بفرح تبقي المغني ** بحزن تبقي النياتي

مغروسه في حكاياتي ** زي السيف اللي علم

مابتتنسيش يا معلم

اخدت من قلبي حته ** عملت انسان جديد

امضتها في شيك حياتي ** علي خانه المستفيد

اول حكايات معاها ** اول طققان معاها

نفسي انساها ** لكن لسه في نفس المتاهه

عاوز تفسير طبيعي ** اني للان حاببها

وازاي مرات سابتني ** وانا مش عارف اسيبها

افيونتي وطبي دائي ورضايا واكتفائي

لسه الحب اللي باقي ** حبيبتي ومش حبيبها

جربت عطور غيبها ** مصري اوروبي وخليجي

ولبست قميص فراقها كاروه ساده ومقلم

مابتتنسيش يامعلم

اسهل حاجه النصايح ** جته محدش نبشها

واللي ايديه لمسه مايه ** غير اللي في نار عايشها

عرفنا مش مناسبه ** في اللين والعطف رسبه

بس ده احساس ولابد **  مايروحش بأله حاسبه

مستني اي فرصه ** علشان ما اصحاش فاكرها

وفي نفس الوقت خايف**  اخد بالذنب غيرها

شكلي مطول في همي ** شكلي مكمل شويه

بعشقها يابن عمي ** مش كيفي ولا بايديا

انساها في يومي تيجي ** في الحلم بالف صوره

دلوني بشكل عملي ** علشان محتاج مشوره

تفكيري اتشل فعلا ** وطريقي صار مضلم

مش عارف انسي حاجه**  مابتتنسيش يامعلم