عمرو حسن يطرح قصيدة “لما الست بتكره” لأول مره للجمهور

أعلن الشاعر عمرو حسن عن طرح قصيدته الجديدة “لما الست بتكره” على المسرح وللجمهور، حيث يتسنى للجمهور الاستمتاع لها عبر منصاته الرسمية على مواقع التواصل الاجتماعي، وفي الحفلات المقبلة.

لما الست بتكره عمرو حسن

هقولهالك! ورزقي على اللي خلالك في قلبي مكان..

أنا مبقتش حسالك سكن وأمان.. عرفتك لما قولت زمان هتخلصلي!

وسايباك لما عِيشت معاك وأنا بتخان.. هقولهالك! ورزقي على اللي خلالك في قلبي مكان..

أنا مبقتش حسالك سكن وأمان.. عرفتك لما قولت زمان هتخلصلي!

وسايباك لما عِيشت معاك وأنا بتخان.. صبرت عليك وعديتك وخدت ايديك..

وجيت خايف فطمنتك وخفت عليك.. مسحت بكاك وبكتني..

بقيت سندك فهدتني.. وعليتك فذلتني! وبان في الفعل قبل عينيك..

انا استغنيت عن الدنيا عشان خاطرك.. بنيت عالم مايشبهنيش عشان خاطرك..

انا عملت حسابي في الجايات على وجودك.. وجيت اسكن على حدودك..

ومش عاوزة إلا كوني معاك.. ماكنتش عارفة إن الوقت بينسي..

ماكنش في بالي إن القسوة بتقسي.. ويجي الوقت واكتبلك وانا سيباك..

تشوفني اما حبيتك.. ودلوقتي تشوف قدرة رب السما في الخلق..

زمان كنت الحلا المعسول.. بقيت زي المرار في الحلق.. بقول يارب مقابلهوش ولو صدفة..

واقول يارب مقابلش اللي زيو في يوم.. مابتمناش وانا صاحية اشوف صورتك..

وماتمناش اشوف طيفك ولو في النوم.. دي مش نزوة ولا شهوة وفراغة عين..

دا طبع وربك العالم نهايته لفين.. جينات ماشية في كرات الدم بتغذيك..

هتنهش في الغريب بعدين هتنهش فيك.. وتكتشف إن السنين هتمر..

وتخليك تموت وحدك في بيت واسع بدون أحباب..

يعيشوا الناس عشان يتسابو ويسيبو وتفضل انت دون الناس يدوب تتساب..

وعلى الهالة اللي براك هتتبخر إذا عرفوك.. على الهالة اللي براك هتتبخر إذا عاشروك..

وعاينو التجربة وعرفوك هيرموك لما يكتشفوك بطول الإيد..

وربك عالم الأحوال وغضبة شديد.. فمش هستنى أشمت فيك.. ولا اشرح ولا أوريك..

انا سايباك لنفسك بس تاكل فيك.. وخارجة بدعوة الناس اللي حبوني..

وراجعالهم كما عرفوني وشافوني.. وأعراض انسحاب حبك مع الأيام..

هتدارى وتتبخر وهرجع خام.. واقوم من الدرس إنسانة بخبرة وعلم..

ومش ممكن يخيل على نفسي نفس الفيلم.. عشان الست لو وقعت وما اتكسرتش..

بتبقى النخلة صابها الريح وما اتهزتش.. وتخرج منها أقوى بميت مرة..

بنفس الشكل دلوقتي وانا سيباك.. ومدى إيديا ناحية باب يقول من الحياة برا..

وبرا يعني بلا راجعة.. صحيح الذكريات واجعه وألم الفقد بيطول..

لكن وحياة ماحبيتك لهرجع أقوى م الأول.. بنفس القوة لما قابلتني مكسور..

ما بيني وبين سلامك سور..

انا النجمه اللي مش شايفاك مع الجمهور.. انا الحلم اللي هتعيط عليه باقي السنين وتنوح..

فارقني وروح.. وكان نفسي اقول حتي هتوحشني..

لكن عندي كلام اسوء وجزء من الضمير حاشني.. طريقي عرفته وهقوم من ماضيك امشيه

هاقول نقيه يكون راجل وشبهك قبل ما تحبيه.. خرجت في حبي متداين.. وحجمك عندي مش باين

قطعنا صفحة الخاين.. وأهلًا باللي جاي بعديه..

اقرأ أيضًا: مابتتنسيش يامعلم.. كلمات قصيدة عمرو حسن الجديدة

ولا قت قصيدة عمرو حسن لما الست بتكره، رواجًا كبيرًا بعد ساعات قليلة من نشرها على منصات السوشيال ميديا المختلفة، حيث علق أحد المتابعين: “لا بجد محصلتش تحفه تحفه شابوه” ، وعلق أخر: “اي الجمدان دا بجد”، بينا ذكرت متابعه: “