عمرو حسن أجمل ما قيل عن الاشتياق

تحظى كلمات قصائد عمرو حسن، بشعبية كبيرة على السوشيال ميديا، ويتم تداولها بشكل واسع على كافة المنصات الرقمية.

الشاعر عمرو حسن، من مواليد حي العصافرة بالإسكندرية 1987، تخرج من كلية التجارة جامعة قناة السويس عام 2010.

كتب الشعر من 2004 وحصل على العديد من الجوائز، منها جائزة ساقية الصاوي ( أفضل شاعر 2010 ) – جائزة مجلة الثقافة الجديدة ( أفضل شاعر 2010 ) – جائزة المركزية 2008 – ذهبية الجامعات 2009 ( أفضل شاعر ) – درع جامعة حلوان 2009 ( أفضل شاعر ).

قصائد عمرو حسن

يا ترى الحلوة بتعمل ايه في نهارها؟ صحيه بدري؟

فاتحة شباكها السماوي وهي ماسكة ايه في ايدها.

العسل يوم على المسلسل ولا وسط أصحاب ولمه

لسة برفانك ما زال ولا غيرتيه معايا؟

ولا غيرتيه عشانه ؟

اكسري عيون الطبيعي وقولي انك لسه وحدك

لسه وحدك يا حبيبتي

فردة جسمك فوق كنبتك في النهار

وابتسامتك مالية وشك لما امر في طيف خيالك

لسه فاكره نمرتي! ولا حابه امليها لك

كل فترة بقول لنفسي ايه بقى!

ما الحياة بالخلق دايره

ما الزمان مركبته سايره

فك روحك من قيودك والحق الباقي في وجودك

بس تصطادني الاغاني في ليل واسلم

اقنعي انغام ووردة وام كلثوم يعتقوني

زي ما يكونوا بغناهم كتفوني

اسحبي ريحتك بخفة من هدومي

وانت شارع بالزمالك للعجوزة

امسحي بصمة ايديك م البيبان غيري شكلي الميدان

البسي طوب اي واحدة مش بتأثيرك علي بدلي لمعة عيني لما اشوفك.

اقنعي بطاقتك تبدل بالزمان ترتيب حروفك

هو كل الشوق دا لي لوحدي يعني

ما الناس بينسوا. ما البشر عايشين. بينسوا

عارفين يفارقوا ويهملوا

يتغيروا ويتبدلوا

يطمنوا ويكملوا

عمرو حسن لسه فاكر

ادتني كل الشوق يا رب تديني قدرة اتحملهم

الشوق في الليل والليل كأنه عمري كامل مش دقايق

بشرب ما بشرب من غيابك برضه فايق

ام كلثوم لما قالت لسة فاكر قلبي يدي لك امان

لا فاكر كلمة هتعيد اللي كان

قلبها كان اقوى مني

وكان معها دليل ادانة

لكن انت في كلمة منك توصلي الشوق بالحنان

وهترجعي لنفس المكانة

الحنين لعنيكي جارف

صعب نرجع تاني عارف

بس ماسك في الأمل بجميع مافيه

كل حاجه في ذكرياتي انتي هي

يبقى اتبت؟

ولا اسيب اليأس باخد حظه مني

احدفي للغرقان عصاية وشوفي أمله

يخسر المنطق رهانه في وقتها

أي حاجة ولو بسيطة تعود لسابق عهدها

لسه فيه منظر طبيعي احب أشوفه في يوم معاكي

فيلم سيما في صف ناقص مطرحين

غنوه ع الواتساب مفاجأة

حجز مطعم ع العشا

لسه فيه سفريه بينا ماروحنهاش

حضن يثبتلك باني لسه فاكر

لسه فاكر قلبي يديلك أمان

أيوه فاكر كلمه هتعيد اللي كان

وان نظرة توصل الشوق بالحنان

لسه فاكر بس خايف

يجي يوم ونقل غرامنا

كان زمان

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *