علق الشيف “صبحي كابر” صاحب مطاعم مشويات صبحي كابر ، على انتشار هاشتاج «مقاطعة صبحي كابر» على السوشيال ميديا.
وكان رواد المواقع التواصل الاجتماعي قد أطلقوا هاشتاج #مقاطعه_صبحى_كابر.. بعد انتشار صور لشخص يضرب ويسحل كلب.. وتردد أن هذا الشخص من عمال صبحي كابر.
وقد نشرت الصفحة الرسمية لمطعم صبحي كابر رداً على ما تردد.. وجاء في البيان: «رداً على لسان الشيف صبحي كابر / سلام عليكم جميعا فالحقيقة أنا قررت أرد بمنشور بناء على طلب عملائي إللي بيحبونى وبيثقوا فيا»
وأضاف: بيقولوا لي معمول ضدك حمله والناس زعلانه فأنا قررت أوضح للجميع إن الحوار دا من آكتر من سنه.. والدليل على كده إن الناس لابسه صيفي ومفيش كمامات وأنا نفسي وقتها اتفاجأت باللي حصل.. عشان اللي عمل كده أصلا مش من الاستطاف عندى لإنهم كلهم لابسين يونيفورم المطعم.
اقرأ أيضاً: بعد شائعة مقتله بـ13 رصاصة .. صبحي كابر: “خناقة بعيد عني ومليش عداوات”
مشيراً إلى وعرفت إن الشخص ده عمل كده لما كلب عض طفل وأكيد أنا مش هسمح لحد من اللي بيشتغلوا معايا ان يعمل كده في الأول والاخر دى روح.. وكمان عرفت ان أحد مديري الصالة تشابك مع الشخص ده بسبب اللي عمله وللأسف أنا مقدرش أحاسب حد فالشارع على حاجه هو عملها.. لمجرد إنه كان موجود قدام مطعمي وشكرا ليكم ولاهتمامكم.
جدير بالذكر ، أن مطعم “صبحي كابر” للمشويات ، يعد من أشهر المطاعم في مصر.