تصدرت صور ومقطع فيديو، لامرأة حامل برفقة زوجها؛ موقع التواصل الاجتماعي فيسبوك في الساعات الأخيرة، وأثارت الصور الجدل في الردود والتعليقات.. كما نسبتها بعض الصفحات على فيس بوك لحفل زفاف عروسة حامل.
وتبين فيما بعد ، أنها حفلة عائلية للتعريف بنوع الجنين.. ونشر “مجدي محمود” زوج العروسة الحامل منشورا على صفحتة الشخصية في فيس بوك.. ليوضح حقيقة الصور وأنهم متزوجين من سنتين.. وجاء في المنشور على صفحته نصاً:
“الشهرة حلوة ونفسنا نبقي مشاهير بس بالحاجة اللي بنعملها والمحتوي اللي بنقدمه مش بقلت الأدب والخوض في الأعراض انا لحد دلوقتي مش فاهم اول واحد واخد أسكرين من فيديو انا رافعه وواضح فيه جدا احنا بنعمل ايه وان دي حفلة بنعرف أصحابنا والناس اللي متابعنا فيها نوع الجنين ويحرف الكلام ويألف قصة علي مزاجه لمجرد انها هتجيب لايكات أكتر من القصة الحقيقية بيقول لنفسه ايه،
والناس اللي ذي البغبان بياخدو كوبي ويشيرو من غير ما حتي يعقلو الكلام او يفكرو لمدة دقيقة مع نفسهم بجد انتو ايه يا جماعة أنتو ممكن تخربو بيوت وتخلو ناس تنتحر وتعقدو ناس في عيشتها ربنا يهديكم اي حد يشوف بوست من اللي بيتريقوا علينا يحط البوست دا في عينه شيرو البوست دا عشان الناس اللي مبتفهمش تفهم ومحدش يقولي انت اللي متنزلش صورك انا بنزل صوري انا مش صور حد تاني بالوضع والبس اللي علي مزاجي واللي عمره ما كان فيه اي ضرر او اساءة لحد الصورة من حفلة عملناها بعد سنتين جواز“
رابط الفيديو في إنستجرام :-
https://www.instagram.com/accounts/login/?next=/p/CKKXyCfhyPy/
وكان مجدي قد حدث صورة حسابة الشخصي، بصورة من الحفلة.. وكتب “ربنا هيرزقني بتاني أجمل بنت في الدنيا عشان اول واحدة واقفة جنبي في الصور.. أقتراحاتكم لأسماء بقي عشان الموضوع طلع صعب“.
كما نشر أحد أصدقاء العريس منشورًا على “فيسبوك“، “توضيح لكل الـ شافوا الفيديو أو الصور ومستغربين.. دي كانت حفلة بيبي شاور احتفال بالمولود الجديد ومعرفة نوعه”، مضيفًا: “ربنا يسعدكم يا صحبي والحمل يكمل على خير والبنوتة تتربى في عزك”.