تصدرت صور عروسة حامل موقع التواصل الاجتماعي فيسبوك في الساعات الأخيرة، وأثارت الصور الجدل في الردود والتعليقات، بعدما تداور رواد موقع فيس بوك صور مقطع فيديو لامرأة حامل تظهر بفستان أبيض بجانب وزجها.
أيضا شاهد: فيديو يهز العراق.. لأب يصوب رصاصه نحو سيجارة في فم طفله!
وتبين فيما بعد، أنها حفلة عائلية للتعريف بنوع الجنين.. ونشر “مجدي محمود” زوج العروسة الحامل منشورا على صفحته الشخصية في فيس بوك.. ليوضح حقيقة صور العروسة الحامل وأنهم متزوجين من سنتين.. وجاء في المنشور على صفحته نصاً:
“الشهرة حلوة ونفسنا نبقي مشاهير بس بالحاجة اللي بنعملها والمحتوي اللي بنقدمه مش بقلت الأدب والخوض في الأعراض انا لحد دلوقتي”.
وتساءل مجدي: “مش فاهم اول واحد واخد أسكرين من فيديو انا رافعه وواضح فيه جدا احنا بنعمل ايه وان دي حفلة بنعرف أصحابنا والناس اللي متابعنا فيها نوع الجنين ويحرف الكلام ويألف قصة علي مزاجه لمجرد انها هتجيب لايكات أكتر من القصة الحقيقية بيقول لنفسه ايه”.
وأضاف: “والناس اللي ذي البغبان بياخدو كوبي ويشيرو من غير ما حتي يعقلو الكلام او يفكرو لمدة دقيقة مع نفسهم بجد انتو ايه يا جماعة أنتو ممكن تخربو بيوت وتخلو ناس تنتحر وتعقدو ناس في عيشتها ربنا يهديكم”.
مطالباً: “اي حد يشوف بوست من اللي بيتريقوا علينا يحط البوست دا في عينه شيرو البوست دا عشان الناس اللي مبتفهمش تفهم ومحدش يقولي انت اللي متنزلش صورك انا بنزل صوري انا مش صور حد تاني بالوضع والبس اللي علي مزاجي واللي عمره ما كان فيه اي ضرر او اساءة لحد الصورة من حفلة عملناها بعد سنتين جواز“.
رابط الفيديو في إنستجرام :
https://www.instagram.com/accounts/login/?next=/p/CKKXyCfhyPy/
وكان مجدي محمود قد حدث صورة حسابة الشخصي، بصورة من الحفلة.. وكتب “ربنا هيرزقني بتاني أجمل بنت في الدنيا عشان اول واحدة واقفة جنبي في الصور.. اقتراحاتكم لأسماء بقي عشان الموضوع طلع صعب“.
حقيقة صور العروسة الحامل
كما نشر أحد أصدقاء العريس منشورًا على موقع التواصل فيسبوك قال فيه:
توضيح لكل الـ شافوا الفيديو أو الصور ومستغربين.. دي كانت حفلة بيبي شاور احتفال بالمولود الجديد ومعرفة نوعه
مضيفًا: “ربنا يسعدكم يا صحبي والحمل يكمل على خير والبنوته تتربى في عزك”