أكدت الفنانة منى زكي شعورها بسعادة الجمهور معها وبزوجها الفنان احمد حلمي كزوجين.. مضيفة: «بقا خايفة انهم يبقوا فاكرين الحياة زي ماهم بيشوفوها بس ويبقوا متوقعين ان الحياة زي ما هم بيشوفوها من برة بس».
اللقاء الأول بين احمد حلمي ومنى زكي
استعادت منى زكي خلال لقائها بالفنانة إسعاد يونس في برنامج “صاحبة السعادة” المذاع على قناة “dmc” الفضائية أول لقاء لها مع زوجها الفنان أحمد حلمي “أول مرة التقيت حلمي أنا كنا في مكتب الاستاذ محمد فوزي المنتج.. وكنا نؤدي مسرحية من بطولة عامر منيب رحمه الله وكنا أقوياء جدا وفجأة قال المنتج محمد فوزي ان هناك دور فيه أعتقد أن أجيب أحمد حلمي.. وفي ذلك الوقت كان حلمي يعمل على برنامج لعب للأطفال “.
│ إقرأ أيضاً: أحمد حلمي يعرب عن سعادته لإختياره سفيراً ليونسيف الشرق الأوسط
طلع رخم قوي
كما أضافت: «معرفش شكله إيه ووشه إيه بس فعلا برنامج لعب عيال بنتفرج عليه أنا ومامتي.. ولما المنتج قالي عايز أجيبه قولت يا ريت ده برنامجه لذيذ قوي.. وكنت عايزة أشوف وشه لأنه بيطلع في البرنامج بضهره.. والمهم جابه المكتب وقاعدة في المكتب مع الأستاذ محمد فوزي ولقيت حد سلم عليا ومبصش عليا وهو بيسلم.. وقعد اتكلم مع محمد فوزي وجاله تليفون ودخلنا البلكونة أنا ومحمد فوزي وبيقولي إيه رأيك! قولت له رخم قوي وده ألذ قوي في التليفزيون.. وحقيقي لا مش لذيذ قال لي لا ما هو هيمثل».
الاعتراف بالحب
أيضا تابعت: «بدأنا بروفات ولقيته لذيذ وبعدين عملنا مسرحية وكنت همشي منها وجه بيقولي انتي مش جاية بروفات تاني قلت له ليه قالي عشان لو مش جاية تاني ناخد نمر بعض ونسأل على بعض يعني وهو حس إني مش جاية وقولت له غالبا هفك مش هكمل واخدنا نمر بعض وبقينا نتكلم في التليفون عادي وبقينا أصحاب قوي وعرفته على أصحابي المقربين قوي وفجأة اعترف لي إنه بيحبني».
│ إقرأ أيضاً: بسبب خطأ إخراجي رواد السوشيال ميديا يسخرون من مسلسل لعبة نيوتن بطولة منى زكي
كما تذكرت “منى زكي” موقف فعله أحمد حلمي لكي يتقرب لها حيث سقط منها هاتفها المحمول أثناء سيرها بسيارتها و«داست». عليه سيارة ملاكي وحزنت على ضياعه بشدة لتفاجأ بعدها بأحمد حلمي يحضر لها هاتفها وهو سليم تمامًا.