انتقدت المحامية المصرية “نهاد ابو القمصان”، عضو المجلس القومي لحقوق الإنسان، عبر صفحاتها الرسمية على مواقع التواصل الاجتماعي، مسلسل حالة خاصة، بعد عرض حلقاته الأولى على منصة watch it.
مسلسل حالة خاصة
وعلقت “نهاد ابو القمصان” في فيديو نشرته عبر حساباتها على السوشيال ميديا قائلة: “مسلسل حالة خاصة ده عايز كلة كده يتشمع المكتب اللي فيه والمحامين يتحولوا للنيابة”.
وأضافت: “جميل ان يبقى فيه مسلسل بيتكلم عن حد عنده احتياجات خاصة، شاب محامي، دارس قانون، عنده توحد، نفسة يبقى محامي، حلو، بس واحنا بنعمل ده مفيش داعي ننقش، من سيستم أجنبي”.
وعن إحدى مشاهد مسلسل حالة خاصة، علقت أبو القمصان: “مبدأيا كده أن محامين تحت التمرين، نجيب الحالة أو صاحبة الحالة، ونقعدها على ترابيزة ونقعدها ونقولوها لازم تقولي أسرارك كده على الملاء وهما دول اللي هيحلولك المشكلة، ده ضد مهنة المحاماة تمامًا، مش فيه حالة اسمها خصوصية”.
نهاد ابو القمصان
وعن الخلع قالت المحامية نهاد ابو القمصان: “خلع ايه اللي بيعملوله تحري، 6 نازلين يتحروا في قضية خلع، عن سبب الخلع، ويصوروا الراجل جوز الست، ويقولها عايزنلك تقرير طبي انك لسه بنت.. خلع ايه اللي بتعملوله الكلام ده؟”.
وتابعت: “دا ماشي ممكن يبقى بيطبق في إنجلترا علشان فيه اتفاقات الطلاق اللي فيها اقتسام للثروة، فكل واحد بيثت إنه هو مش سبب الطلاق، لكن الخلع عندنا دا مابنقولش فيه أسباب أصلًا، الست ببتنازل عن كل حاجة علشان تخلص من الراجل”. وأضحت: ” امته بنروح نقول أسباب؟ لما نعمل طلاق للضرر. دي تاني حاجة من حيث أخلاق المهنة، فيه مشكلة في المسلسل”.
وأضافت: “من حيث الموضوعات بقى وطريقة تناولها قانونًا فيه تضليل للمجتمع، ياجماعة هاتوا محامي يراجع أو الكلام، هتتكلموا عن المحاماة هاتوا محامي ولا محامية يراجعلكوا الكلام ده”.
يذكر أن مسلسل حالة خاصة أحد إنتاجات منصة watch it الأصلية، ومن إنتاج «تى فيجن» للمنتج طارق الجناينى، ومن تأليف مهاب طارق، وإخراج عبد العزيز النجار؛ وينتمي والمسلسل إلى نوعية الأعمال القصيرة المكونة من 10 حلقات، ويعتبر أول بطولة مطلقة لطه دسوقي، بعد النجاح الكبير الذي حققه مؤخرًا بمسلسل «موضوع عائلي».